Vatswari a va lombi – Amukelani Ngobeni

Buku leyi yi vulavula  hi jaha leri a ri ri ntuva eka vatswari va rona, lava a a vari na swale mandleni. Jaha leri a ri hamba ri kholela vadyondzi kulori exikolweni, (riva lakatserisa na titanghu ta rona) laha vatswari va rona a va tshamela ro vitaniwa ku ya tenga milandzu ya rona jaha. Swive swi nyanya jaha leri riti nghenisa na leka timhaka ta swidzhidzhiharisi, laha a nga hetelela a hlongoriwile exikolweni.

Laha loko ari kaya a tshamela ro dyisa vatswari va yena mbitsi, a tlangisa na nhundzu ya vona. Vatswari va jaha leri va vile va hundza emisaveni hi vumbirhi bya vona laha a a kuri xivangelo xa yena. Swipandza-mananga na rifumo ra vatswari va yena hinkwaro ri helele emoyeni, tani hi laha Xitsonga xi vulaka hakona xiku “mufi u famba na swa yena”.

U sale a pfumala na ndhawu yo lata rimbambu eka yona, ku kondza laha a nga ehleketa kuya kombela vutshamo laha a vhindluseke xihlovo kona khale a ha dya a tlhela a raha, eka vanghana va yena. Laha va nga n’wi amukela, kambe hiku tsandziwa hi mahanyelo ya yena a va n’wi tiyiselanga hi leswi a sungule ku dyisa vatswari va vanghana va yena mbitsi. Kutani va n’wi tsundzuxa vaku  “u dlayi va wena vatswari hi mbitsi sweswi u lava ku dlaya na va hina, xana a wu swi tivi ku vatswari a va lombi ke?”. Vari nkarhi va n’wi hlongola.